Құлақ, тамақ, мұрын, бас және мойынның анатомиялық-физиологиялық ерекшеліктері мен ауруларын зерттейтін медицина бөлімі. Заманауи бейнеэндоскопиялық ЛОР-жабдықтары арқылы тексеру және емдеу ауыртпай жүргізіледі. Визуалды эндоскопиялық жүйе ЛОР-ағзаларды нақты уақытта тексеруге және үлкейтілген бейнені монитордан көруге мүмкіндік береді. Аурудың созылмалы немесе жедел түрінде отоларингологтарымыз жағдайыңызды едәуір жеңілдете алады.
Заманауи ЛОР-комбайнда емдеу
Бұл не?
«САНА» медициналық орталығы техникалық жабдықталуын UE-3000 ЛОР-комбайнымен толықтырды. Бұл аппарат оториноларингологқа ЛОР-ауруларды егжей-тегжейлі диагностикалау мен емдеу үшін қосымша мүмкіндіктер береді. Отоскопы, ларингоскопы, риноскопы және жалғанатын иілгіш эндоскоптары бар Medvision бейнеэндоскопиялық жүйесі көмей, мұрын мен құлақты мұқият тексеріп, бейнені мониторға шығаруға мүмкіндік береді.
Бейнежазбамен егжей-тегжейлі тексеру, әдетте, маңызды аймақты бірнеше есе үлкейту қажет болатын күрделі жағдайларда қолданылады. Қолжетімділігі қиын жерлерді жақыннан көру дәрігерге нақты диагнозды жылдам қойып, емдеуді бастауға көмектеседі. Пациент те тексеруді монитордан бақылай алады. Оториноларинголог бейнежүйені аурудың клиникалық көрінісін және алдағы рәсімдердің ерекшеліктерін түсіндіру үшін жиі қолданады.
